عدد المساهمات : 357 نقاط : 1122 تاريخ التسجيل : 05/02/2010
موضوع: أغنية مسلم "عايشين" - كلمات الجمعة مارس 19, 2010 3:01 pm
و عايشييين كيف لبارح كيف ليوم و شايفييين حوال الناس للي من غدا خايفييين الناس للي من حياتهوم ولاو مغَيفييين و موالفييين... واخا تكال فهاد البلاد حق اليتاما و جاعو واخا يخدم فهاد البلاد غير للي لمعارف دراعو واخا شباب هاد البلاد غير فالبحر ضاعو واخا بنات هاد البلاد غير فالطريق يتباعو واخا دروكا دور فلحوَم ديَلنا كتر من لحس واخا الناس للي نعثرو عليهم ف زَنقا ناعسين على الضس واخا لمعيشة للي غلات و لمسكين مزموت واخا الدراوش للي فسبيطارات كاتموت واخا البرلمان للي خارجة منو ريحت الببوص واخا لما و الضو للي عند لبوبري كاابوس واخا الشحت و البحت واخا الدم و الدموع عاايشين و دايمن راسنا مهزوز
Refrain x 2 عايشييين واخا الفقر واخا الجوع عايشييين واخا الدم واخا الدموع عايشييين واخا القمع واخاالظغط عايشييين واخا الكفر واخا السخط و عايشييين
عايشين واخا دينا ولا مشبوه واخا اللحية فوجه لمسلم ولات شي مكروه واخا بنادم ولا رخيص يتباع و يتفجر واخا المجتمع يقصَح و القلوب تتحجر واخا السلطة يعني القوة تساوي تحَكر واخا الشعب يعني الضعف تساوي وَنطر واخا الصحة طاحت و التقاعد 2 فرانك واخا الديور رابت و كَليتونا غير بالزنك واخا مَشفنا والو من هدوك للي ترشحو واخا مصوتناش معرفنا كيف نجحو واخا المنكر و لعرا ولا عااادي واخا الرشوة واصلَ حتا لسيدي القاضي واخا الوقت صعاب و طرف د لخبز عاصي واخا مَبقاو صحاب و لخاوا يولي قاصي واخا الرحمة والو العفة مكيناشي عاايشييين و الوقت دغيا مااشييي
Refrain x 2 عايشييين واخا الفقر واخا الجوع عايشييين واخا الدم واخا الدموع عايشييين واخا القمع واخاالظغط عايشييين واخا الكفر واخا السخط و عايشييين
عايشين واخا لعمر ضاع بين لحيوط عايشين واخا السنين تفوت ؤو الكل مشلوط عايشين واخا لمستقبل فينَ كاعي عايشين واخا ربيع الرعايا رعاه الراعي عايشين واخا ساخطين على هاد الارض عايشين واخا ساطمين على شوك الورد عايشين واخا نياب الفقر طاحنَ عايشين واخا يد لمحنة دباحنَ عايشين واخا لهموم فقلوبنا مزاحمَ عايشين واخا الموت يمكن رحمَ عايشين واخا ايامنا غير اعادَ عايشين واخا دموع السخط هوادَ عايشين واخا دمنا فزناقي مهَرق عايشين واخا ضهرنا بالضق مزرق عايشين واخا حياتنا ماتت عايشين واخا و هادي سنين فاتت
Refrain x 2 عايشييين واخا الفقر واخا الجوع عايشييين واخا الدم واخا الدموع عايشييين واخا القمع واخاالظغط عايشييين واخا الكفر واخا السخط و عايشييين
الرئيسية 
أنظم الي صفحتنا على الفايس بوك 
